Tisa Sevis Komisen i wari long planti sumatin insait long ol klasrum

 Ol wok manmeri bilong Tisa Sevis Komisen long Port Moresby i mekim wokabaut igo long ol skul na lukim sapos igat planti sumatin long ol klasrum.

Long bipo yet taim gavman i putim dispela fri skul polisi, planti pikinini i bin go long skul.

Planti papa mama na ol narapela manmeri i bin toktok strong long dispela olsem ino gat inap spes long skul.

Butuka Academy em wanpela skul long Pot Mosbi ol TSC manmeri i bin i go lukim 

Na tu planti sumatin tumas em wanpela tisa bai skelim ol na dispela bai givim planti wok long tisa.

I luk olsem nau tasol TSC I laik mekim wok painim aut long dispela.

Bikpela wari bilong TSC em olsem ol tisa ino ken kisim planti wok long wanem igat planti pikinini long wanpela klasrum.

Lo i tok wanpela tisa i mas skulim 45 pikinini tasol.

Ol i painim aut olsem long Pot Mosbi igat planti pikinini long skul na dispela bai givim wanpela wok long ol tisa na ino gutpela.

Ol i givim sampela tingting long ol skul iken wok wantaim gavman na kirapim  moa  klasrum na noken larim nating ol pikinini i  kam long narapela skul.

Wok bilong TSC em long was gut long welfe bilong ol tisa na ino long ol samting bilong skulim  ol sumatin.

Ol Katolic manmeri long Bogenvil I lukim ken mama Fatima

Bikpela lotu na prea bai kamap long ol peris long Bogenvil long wanem Mama Fatima I kam gen.

Long Sarere namba 13 dei bilong mum Me, ol man I bringim em igo long Buka na planti Katolik manmeri I amamas tru.

Ol I kisim em igo long Hahela haus lotu na mekim welkam olsem bipo ol tumbuna I save mekim.

Bihain bikpela lotu I kirap na Mama Fatima bai igo long planti ol Peris long Bogenvil .

Mama Fatima I bin go long Bogenvil long yia 2016 tu.

Mama Fatima em ol Katolik I bilip olsem spirit bilong Maria, mama bilong Jisas I bin kamap long tripela man bilong was long sipsip long ples Fatima long kantri Portugal.

Dispela I bin kamap long 1917 na long 1930 Katolik sios I makim dispela samting olsem wanpela bilip long dispela I bin kamap.

Mama Fatima Poto NBC Bougainville 

I gat tok tu olsem mama Fatima  I bin go long Panguna na lotu wantaim Francis Ona na bihain toktok bilong wanbel na noken pait long Bogenvil I kamap.

Bougenvil I vot pinis long ol I mas kamap wanpela kantri bilong ol yet na planti manmeri  I wanbel long dispela.

Praim Minista James Marape i makim ol gavman minista

Niupela Praim Minista James Marape i makim pinis ol gavman minista husait bai wok aninit long kebinet blong em.

Dispela i bin kamap long Fraide namba seven dei bilong mun Jun long Gavman Haus.

Igat 33-pela olgeta na em yet i holim wok olsem Praim Minista.

Namba tu praim minista na tu minista blong jastis na atoni general em member blong Esa'ala Davis Steven.

Praim Minista i tok em i gat bilip long olgeta 33-pela minista long wanem ol igat save na wok eksperiens.

Praim Minista James Marape is sekan wantaim Australia PM 

Na em i makim tu sampela minista husait ino bin votim em olsem praim minista.

Wanpela bilong ol em Kerenga Kua husait i memba bilong Sinasina Yongomugl long Simbu provins.

Narapela minista em James Marape i makim tu em Bryan Kramer husait i memba bilong Madang.

Praim Minista i givim ol pinis sampela bikpela toktok long ol minista i mas mekim gut wok.

Long sait bilong forestri, em i laik gavman i no ken givim moa niupela laisens long ol kampani bilong narapela kantri na kantri bai no nap salim moa ol diwai yumi katim ino autsait.

Dispela bai i mas stat long narapela yia tasol.

Praim minista i tok ol i mas mekim igo kamap olsem timba na plaiwut na salim igo autsait.